Ako ay hindi mapakali sa mga nangyayari. Wala naman dapat akong alalahanin, ngunit pilit na gumagana ang aking isip habang sinusubukang makipag-usap sa aking saloobin -- puso na masyadong nagmamahal hindi alam kung saan ang patutunguhan at alam na alam ang kasiyahang nais maipahiwatig sa taong pinahahalagahan pero kahit anong gawin ay nabubulag lamang lalo. Wag nang umasa pa dahil yoon naman talaga ang tama, hindi ba ? Ang pagmasdan siyang naglalakad na masaya, katabi ko at tumatawa hindi dahil sakin kundi dahil sa mga ibang taong nagpapasaya sakanya, ngunit alam ko naman na alam niyang narito lamang ako sa tabi niya, masaya sa piling niya at pprotektahan sa anumang sakuna. Madalas wala nang kwenta ang mga pinagsasabi ko, madalas nakakaburaot na. Minsan nakakamangha, minsan nakakasawa. Ano man ang tingin dito ay wala na akong pakialam, ang gusto ko lamang ay tandaan niyang masaya ako kapag masaya siya at handa siyang yakapin kapag kailangan niya ng kaibigan... na nagmamahal.

[ Y u k o ]